अमळनेर-बीड विभागातील DEMU सेवा लवकरच सुरू होणार; स्पीड ट्रायल रनचे वेळापत्रक
पुणे विभाग, मध्य रेल्वे जनतेला कळवत आहे की अमळनेर-बीड रेल्वे विभागावरील बहुप्रतिक्षित अहिल्यानगर बीड या मार्गावर 17 सप्टेंबर पासून DEMU (डिझेल इलेक्ट्रिक मल्टिपल युनिट) सेवा लवकरच सुरू होणार आहे. त्यापूर्वी अंमळनेर ते बीड पर्यंत
१४, १५ आणि १६ सप्टेंबर २०२५ रोजी या विभागात सतत स्पीड ट्रायल रनचे वेळापत्रक आहे.या ट्रायल रन नियमित प्रवासी सेवा सुरू करण्यापूर्वी ट्रॅकची अखंडता, सिग्नल सिस्टम आणि एकूण सुरक्षा मानके पडताळण्यास मदत करतील. यासाठी अमळनेर-बीड विभागातील रेल्वे ट्रॅकजवळ राहणाऱ्या रहिवाशांना आणि जनतेला या ट्रायल रनच्या दिवसांमध्ये सतर्क राहण्याचे आवाहन करण्यात आले आहे. मार्गावर कुठेही ट्रॅकजवळ बसू नका.रेल्वे मालमत्तेवर किंवा ट्रॅकवर अतिक्रमण करू नका.अधिकृत लेव्हल क्रॉसिंग किंवा ओव्हरब्रिज वगळता रुळांवरून चालणे किंवा ओलांडणे टाळा. शेतकऱ्यांना गुरेढोरे किंवा इतर पशुधन रुळाजवळ किंवा पलीकडे सोडू नका असा सल्ला देण्यात येत आहे.पालकांना विनंती आहे की त्यांनी मुलांना रेल्वे रुळांपासून दूर राहण्यास मार्गदर्शन करावे.
पुणे विभाग सर्व नागरिकांकडून या विभागाचा चाचणी टप्पा सुरळीत आणि सुरक्षितपणे पार पडावा रेल्वे ने आवाहन केले आहे.
